Heimsfaraldur inflúensu
- við leggjum okkar af mörkum til að undirbúa heiminn
Skuldbinding okkar
Samkvæmt upplýsingum Alþjóðaheilbrigðisstofnunarinnar (WHO) hafði H5N1 flensustofninn valdið dauða 240 manna í 12 mismunandi löndum í apríl 2008. Nýlegar fréttir af dauða fugla og annarra dýra af völdum fuglaflensu í Evrópu og víðar hafa vakið áhyggjur um að heimurinn sé á barmi skæðs inflúensufaraldurs. Þess vegna hafa mörg lönd mótað sér viðbúnaðaráætlanir eða endurnýjað þær sem fyrir voru.
GSK er leiðandi framleiðandi bóluefna og veirulyfja. Við erum reiðubúin að leggja okkar af mörkum til að aðstoða stjórnvöld og alþjóðleg samtök að búa sig undir heimsfaraldur. Nýlega höfum við varið 1,7 milljörðum Evra til að auka framleiðslugetu og efla rannsóknir á bóluefnum og veirulyfjum.
Við höfum skilning á erfiðleikum þróunarlanda við að tryggja sér aðgang að bóluefnum og styðjum því ákall Alþjóðaheilbrigðismálastofnunarinnar um að koma upp varabirgðum af H5N1 bóluefni fyrir fátækari þjóðir. Slíkar birgðir yrðu fjármagnaðar af fjölþjóðlegum samtökum og styrktaraðilum en GSK mundi útvega bóluefni á sérstaklega lágu verði.
Þróun bólusetningar gegn heimsfaraldri
Heimsfaraldur inflúensu verður þegar nýr veirustofn skapast og eldri bólusetningar veita fólki ekki lengur vörn. Þá er þörf á nýrri tegund af bóluefni. Þrátt fyrir að H5N1 sé sérlega skæð inflúensuveira, sé algeng í fuglum og hafi valdið bæði veikindum og dauðsföllum hjá fólki, þá smitast hún enn sem komið er ekki auðveldlega manna á milli. Því hefur ekki komið til heimsfaraldurs meðal fólks. Stökkbreytist H5N1 veiran þannig að smitleiðir opnast á milli manna getur sú staða breyst hratt.
GSK hefur þróað nýtt bóluefni gegn inflúensuveiru af stofni H5N1 og í mars 2007 settum við fram gögn sem sýna að bóluefnið virkar gegn mismunandi undirstofnum veirunnar. Bóluefnið veitir þannig breiða vörn gegn H5N1 og með því að nýta okkur nýja tækni til að efla ónæmissvar (sk. ónæmisglæðir) er það virkt í smáum skömmtum.
GSK hefur skráð bóluefnið hjá Evrópsku lyfjastofnuninni og því geta stjórnvöld undirbúið kaup á birgðum af H5N1 bóluefni, komi til heimsfaraldurs. Áður var talið að fyrstu bólusetningarlyf kæmust ekki í notkun fyrr en um sex mánuðum eftir að faraldur brýst út.
Um miðjan október 2007 skrifuðu GSK og sóttvarnalæknir undir samning sem kveður á um kaup íslenskra heilbrigðisyfirvalda á 10 þúsund skömmtum af bóluefni gegn inflúensuveiru H5N1. Samningurinn býður upp á kaup á fleiri skömmtum kjósi heilbrigðisyfirvöld það. Áður höfðu íslensk heilbrigðisyfirvöld gert samning við GlaxoSmithKline sem felur í sér forkaupsrétt á allt að 300 þúsund skömmtum af bóluefni gegn heimsfaraldri inflúensu sem GSK mun framleiða að fengnum upplýsingum frá Alþjóðaheilbrigðisstofnuninni um gerð veirustofnsins.
Inflúensufaraldur virðir ekki landamæri og enginn er óhultur. Þeirri ógn sem stafar af mögulegum faraldri er aðeins hægt að mæta með öflugu samstarfi einkafyrirtækja og hins opinbera. Lyfjaiðnaðurinn hefur þegar fjárfest mikið í tækniþróun og nýjum bóluefnum. Stjórnvöld geta stutt við þróunina með því að tryggja útbreiðslu og aðgengi að þessum bóluefnum um heim allan. Aðrar leiðir sem koma til greina eru:
• Að fjármagna rannsóknir og þróun á tæknilegum og klínískum aðferðum við að hraða gerð bóluefna gegn inflúensu
• Að eyrnamerkja fjármagn til að undirbúa varnir gegn alheimsfaraldri inflúensu - áður en hann hefur brotisti út.
• Að semja um kaup á H5N1 bóluefni í takt við aðrar almennar bólusetningar til að minnka áhrif faraldurs á almenning
• Að gera samninga um fyrirfram kaup á H5N1 bóluefni
• Að tryggja lyfjaeftirlit. Ákveðin eftirlitskerfi þurfa að vera fyrir hendi til að mæla öryggi og áhrifagildi nýrra bóluefna gegn heimsfaraldri, en ekki er viðeigandi að hefðbundnar reglur sem taka mið af því ástandi sem getur skapast gildi eftir að heimsfaraldur hefur breiðst út. Neyðarreglur verða að vera tilbúnar áður en faraldur brýst út.
• Auka þarf hefðbundnar bólusetningar gegn inflúensu
Veirulyf
Bólusetningar eru áhrifaríkasta leiðin til að vernda fólk gegn inflúensufaraldri. Veirulyf eiga einnig drjúgan þátt í meðferð á inflúensu og við að hamla gegn sjúkdómnum eftir að fólk veikist, sérstaklega við upphaf faraldurs.
GSK framleiðir veirulyfið Relenza® (Zanamivir), en það er lyfseðilsskylt lyf til innöndunar sem notað er við meðferð á inflúensu. Þar til nýlega hefur eftirspurn eftir Relenza® verið takmörkuð, en rannsóknir sýna að sá flokkur veiruhamlandi lyfja sem Relenza tilheyrir geti reynst áhrifaríkur í baráttunni gegn H5N1. Þetta hefur leitt til aukinnar eftirspurnar stjórnvalda, sem vilja eiga birgðir af veiruhamlandi lyfjum ef faraldur skyldi breiðast út.
Öll lönd undirbúin
Faraldur gæti hafist hvar sem er í heiminum, þótt hættan sé vissulega meiri í fátækari löndum. Auk þess að efla eigin framleiðslugetu höfum við veitt kínverska framleiðslufyrirtækinu Simcere leyfi til að framleiða Zanamivir fyrir fátækustu lönd heimsins, sem líklegust eru til að lenda í hringiðu heimsfaraldurs.
Samvinna við Alþjóðaheilbrigðisstofnunina
Það er allra hagur að reyna að stöðva eða draga úr hraða útbreiðslu þegar faraldur hefur brotist út. Alþjóðaheilbrigðisstofnunin mun gegna lykilhlutverki við að samhæfa alheimsviðbrögð ef faraldur brýst út. GSK er til þjónustu reiðubúið.
Leggjum okkar af mörkum
Við lítum á það sem skyldu okkar að aðstoða stjórnvöld og alþjóðleg samtök í viðbúnaði vegna heimsfaraldurs inflúensu og höfum því skuldbundið okkur til að halda áfram að fjárfesta í rannsóknum og þróun auk þess að efla framleiðslugetu okkar á veirulyfjum og bóluefnum. Þessi skuldbinding er til frambúðar.
Lykilstaðreyndir
• Markmið okkar er að bæta lífsgæði með því að gera fólki kleift að áorka meiru, líða betur og lifa lengur
• Við erum frumlyfjafyrirtæki sem starfar á rannsóknargrunni
• GSK Biologicals er einn af fremstu framleiðendum bóluefnis í heiminum. Höfuðstöðvar okkar í rannsóknum á framleiðslu og þróun bólefnis eru í Rixensart í Belgíu
• Að okkar mati er GSK eina lyfjafyrirtækið sem leitar að bóluefnum og meðferðum við HIV og eyðni, berklum og malaríu - sem eru þrír forgangssjúkdómar Alþjóðaheilbrigðisstofnunarinnar.
• Það starfa yfir 100.000 manns hjá GSK í 117 löndum
• Við framleiðum fjórðung allra bóluefna í heiminum og erum með 20 ný bóluefni í klínískri þróun
• Í rannsóknarliði okkar eru 15.000 manns sem vinna að því að uppgötva ný lyf.
• Við kembum um 65 milljónir efnasambanda á ári hverju í leit okkar að nýjum lyfjum.
Bæklingur á pdf-formi:
Prentvæn útgáfa