 |
gsk.is
Hvað er astmi?
Lyfjameðferð við astma
Félagslegi þátturinn
Astmi og umhverfið
Frekari upplýsingar
Astma- og ofnæmisfélagið
|  |
|
|
Astmi og híbýli
Síðari árin hefur athygli beinst að áhrifaþáttum í nánasta umhverfi astmasjúklinga, á heimili, vinnustöðum, skóla o.s.frv.
Nýjar byggingar á Íslandi eru mjög vel einangraðar, gluggar þéttir og við kyndum hús okkar meira en aðrar þjóðir. Þá skiptir máli að fá svör við spurningum s.s.:
- er reykt í húsinu?
- hvernig er hitastig og rakastig íbúðarinnar?
- eru einhver tæki í híbýlum sem geta valdið astmasjúklingum vandræðum, t.d. ljósritunarvélar eða laser-prentarar?
- hvernig er loftræstingu háttað? Eru loftskiptitæki yfirfarin og hreinsuð reglulega?
- er einhver sérstök lykt í íbýlum og hvað veldur henni?
- er raki í veggjum eða myglusveppir?
- hvernig er hreinlæti háttað?
Ef grunur leikur á að híbýli geti haft neikvæð áhrif á astmann er þörf fyrirbyggjandi aðgerða.
Raki í híbýlum
Ef rakastig er of hátt í híbýlum okkar getur það aukið líkur á að rykmaurar og myglusveppir þrífist þar, en margir astmasjúklingar hafa ofnæmi fyrir þessum þáttum. Raki getur borist utan frá eða innan og mestur rakinn kemur frá okkur sjálfum eða um 2-5 lítrar af raka á hverja manneskju í íbúð. Rakinn stafar af:
- útöndun og svita
- þvotti og þurrkun fatnaðar
- almennu hreinlæti s.s. böðum
- matartilbúningi og uppþvotti
- gróðri í híbýlum
- ræstingu híbýla
- o.s.frv
Við þurfum að losna við eitthvað af þeim raka sem myndast í hýbýlum okkar svo rakastig verði ekki of hátt. Merki um of hátt rakastig í híbýlum er m.a.:
- móða á innanverðum gluggarúðum ef um tvöfalt gler eða einangrunargler er að ræða
- málning flagnar af við glugga eða mygluvöxtur sést við gluggakistur
- raki eða mygla í útveggjum kaldari herbergja (baðherbergis, búrs, eldhúss o.s.frv)
- rakalykt í skápum eða bak við húsgögn
- rakalykt sem finnst þegar gengið er inn í íbúðina
Auðvelt er að hafa stjórn á rakastigi híbýla. Rakamælar eru ódýrir og ber að reyna að halda rakastigi undir 50% á vetrum og ekki hærra en 60-65% á sumrin. Rakamæla þarf að stilla reglulega, fylgið því leiðbeiningum sem fylgja slíkum mælum.
Til að ná niður rakastigi má t.d.:
- lofta vel út í u.þ.b. 10 mínútur, þrisvar á dag
- nota loftræstingu eða gufugleypa við matseld, hafa lok á pottum og reyna að takmarka þær gufur sem berast um íbúðina
- hafa baðherbergi lokuð meðan baðað er og muna að þurrka vel af öllu eftir baðið og lofta vel út.
- föt á ekki að þurrka á grind inni í híbýlum manna og þurrkarar verða að vera útbúnir útblástursröri sem gengur út úr híbýlum
- gott er að forðast stórar pottaplöntur sem þurfa mikið vatnsmagn til vökvunar.
Astma- og ofnæmisvefur GlaxoSmithKline
|
|
